Сырттай байқау әкімшісін, оңалтушы басқарушыны тағайындау және шеттету, сондай-ақ конкурстық басқарушыны тағайындау және шеттету, есепке алу және тіркеу ережесін бекіту туралы
Қазақстан Республикасы Қаржы министрінің 2008 жылғы 12 тамыздағы № 396 Бұйрығы
(2010.13.04. берілген өзгерістер мен толықтырулармен)
ҚР Қаржы министрінің 2011 жылғы 15 желтоқсандағы № 637 бұйрығымен 2012 жылы 30 каңтардан бастап күші жойылды
«Банкроттық туралы» Қазақстан Республикасы Заңының 10-2-бабының 24) тармақшасына сәйкес, БҰЙЫРАМЫН:
1. Қоса беріліп отырған Сырттай байқау әкімшісін, оңалтушы басқарушыны тағайындау және шеттету, сондай-ақ конкурстық басқарушыны тағайындау және шеттету, есепке алу және тіркеу ережесі бекітілсін.
2. Осы бұйрыққа қосымшаға сәйкес Қазақстан Республикасы Қаржы министрлігінің Дәрменсіз борышкерлермен жұмыс комитеті төрағасының кейбір бұйрықтарының күші жойылды деп танылсын.
3. Қазақстан Республикасы Қаржы министрлігінің Дәрменсіз борышкерлермен жұмыс комитеті (С.М. Бекбосынов) осы бұйрықтың Қазақстан Республикасы Әділет министрлігінде мемлекеттік тіркелуін және оның кейіннен бұқаралық ақпарат құралдарында ресми жариялануын қамтамасыз етсін.
4. Осы бұйрық алғаш ресми жарияланғаннан кейін он күнтізбелік күн өткен соң қолданысқа енгізіледі.
| Министр | Б. Жәмішев |
Қаржы министрінің
2008 жылғы 29 тамыздағы
№ 396 бұйрығымен
бекітілген
ҚР Қаржы министрінің 2010.13.04. № 167 бұйрығымен барлық мәтін бойынша «Комитет, оның аумақтық бөлімшелері» деген сөздер «Комитеттің аумақтық бөлімшелері» деген сөздермен ауыстырылды (бұр.ред.қара)
Сырттай байқау әкімшісін, оңалтушы басқарушыны тағайындау
және шеттету, сондай-ақ конкурстық басқарушыны тағайындау
және шеттету, есепке алу және тіркеу
ережесі
ҚР Қаржы министрінің 2010.13.04. № 167 бұйрығымен кіріспе өзгертілді (бұр.ред.қара)